НАМЕСТО ВРАТА
во преминот до спалната соба
сакам да поставиш
завеса од дрвени монистра
со боја на брусница во грмушките
да ги совладаш лесно со телото
додека се обидуваат да те задржат
ПРЕМИНУВАЊЕ НА УБАВИТЕ ЦРТИ ВО СУРОВИ
со мајсторството на трепетот
твоето лице станува тврдина
ги затегнуваш лаковите на веѓите,
ги собираш усните
за веќе да нема место
за ножните прсти
ниту за нешто за што да се фатам
за да можам
да ти се качам на носот
ДОДЕКА ТРАЕ ЦРВЕНОТО СВЕТЛО
возеше СУВ Волво
на средниот прст носеше црвен рубин
косата ѝ паѓаше на огромните гради
кои ѕиркаа од набрчканата маичка
и создаваа сцена на судар на бродови
НАСЛЕДСТВО
твојата мајка не се сеќава на дијалектот
ги спакува фотографиите на својата родбина
во кутија
само дневните светлини на милето
уште долго ќе останат исти
Марија Живковиќ Фатимарија (Белград, 1990), песните и се објавувани на интернет порталите човек-списание, Астронаут.ба, Версификувано, спсиание за култура и општествени теми Авлија, во регионалниот зборник Ракописи бр. 42, 43, 44, Хаику весник бр. 38, како и во други зборници на регионална поезија. Пккрај поезијата сака да создава кратки композиции на клавир, инспириани од филмот и видео игрите. Во 2023 година објавена е нејзината прва поетска збирка „И левораките се ракуваат со десна“ (СКЦ, Крагуеевац) Завршила правен факултет во Белград каде што живее и работи.
