РАМНА ПЛОЧА

РАМНА ПЛОЧА

III. Жетварот

Свекорот става дрвена дршка на косата – алатката. Маркан скромно стои до него.

МАРКАН: Тато...
СВЕКОРOT: Добро е, Маркане... Тоа може на секого да му се случи. (чука со чеканот по спојот на сечилото и дрвото) Уште малку и ќе биде како нова. Се скрши дршката.
МАРКАН: Тато... Сакав...
СВЕКОРOT: Што сакаш? Косата? Ќе ја добиеш. Сакавте жена. Ја доби. Кога татко ти те изневери?
МАРКАН: Никогаш...
СВЕКОРOT: Ете гледаш!
МАРКАН: Тато, јас не би сакал...
СВЕКОРOT: Што сега не би сакал? Ту сакаш, ту не сакаш.
МАРКАН: Ама, јас не би сакал...
СВЕКОРOT: Сине мој, не се мачи. Сега си женет човек. Маж, богати!
МАРКАН: Јас не сакам да одам во Германија!

Свекорот го пушта чеканот и стои заканувачки со косата в рака. Маркан збунето го гледа татка си како и самиот да се изненадил од својот тон. Свекорот му приоѓа. Го прегрнува со едната рака, додека во другата ја држи косата.

СВЕКОРOT: Маркане мој, јас сè знам.
МАРКАН: Знаеш... Сè?
СВЕКОРOT: Знам, сине!
МАРКАН: Значи знаеш дека јас не би сакал да се разделам од Делфа...
СВЕКОРOT: Не греши душа, сине. Какво разделување?!

МАРКАН: Значи, останувам? Не одам? Не одам... (го прегрнува и бакнува својот татко) ... Фала ти, тато... Фала ти...
СВЕКОРOT: Полека... Ма, полека...
МАРКАН: Ти си најдобриот татко!
СВЕКОРOT: (му ја подава косата) Оди сега и доврши ја онаа нива.
МАРКАН: Ќе ја чувам, тато, ќе ја чувам!
СВЕКОРOT: Има уште еден месец до тргнувањето. Треба многу работи да се средат. А тоа во Германија, тоа го работиш за неа... За вас... За иднината, разбираш? Ќе одиш со луѓето од Буковица! И таму се сите наши! Ќе ти биде како да не си се поместил од Дувно. Какво разделување... Секој Божиќ си дома.

Маркан молчи. Скршен.

СВЕКОРOT: А таа убаво ќе те чека.

Превод од босански јазик:

Сашо Огненовски