БИЗАРНО

БИЗАРНО
ВТОРА СЦЕНА
(извадок)

(Мајда се приближува до фотелјата. Го забележува куферот на Ксенија. Го
турка со ногата и седнува во фотелјата наспроти Ксенија. Од кујната
повторно се слуша кршењето.)
МАЈДА
Се плашам да влезам во кујна по него. (На Саша.) Запали ми цигара, те
молам.
(Саша запалува цигара и ѝ ја дава на Мајда. Мајда сака да се заблагодари,
но Ричи влегува. Тој носи голем сендвич во чинија.)
РИЧИ
Можеби, ти ја зафркнав услугата за три и пол луѓе... Мислам седум чинии,
три длабоки, четири плитки... Извинете... Сакаш да ти набодам еден
сендвич? Шунка, сирење, кечап... Мора да јадеш, погледни колку си
ослабнала. Топ форма, креативен предуслов број еден. Каков е тој арогантен
однос кон насмевките? Ајде да ги видиме забите! (Тој ѝ носи сендвич.)
Погледни го како повикува, изеди ме, изеди ме...
МАЈДА
Ти баш сакаш да ти го истурам ова виски.
РИЧИ
О, не. Зачувај ја муницијата за Милан. (Сфаќа дека погрешил, гледа во
Саша.) Мислам, за Саша... Тоа тепање од страст. Мислам љубовни страсти...
(Сега и самиот е збунет.) Мислам, затоа постојам...
КСЕНИЈА
Ричи, би сакал да ми ја покажеш собата, уморна сум.
РИЧИ
Од врата па на дремење. Е, нозе, нозе, зошто сте мои... Ајде да одиме,
Ксенија, в кревет... Чекај, Мајда, дали Саша те запозна со Ксенија? Да ти

ебам, јас сум единствениот со добри манири овде. Виенско школо, истурено
одделение Зајечар. Па, да ги прошириме нашите хоризонти. Мајда, ова е
Ксенија, Ксенија ова е Мајда, запознајте се, бакнете се и тоа е тоа... Ксенија и
јас, како што знаете, ќе спиеме овде. Се надевам дека немаш ништо против.
САША
А што и да имаме, станот и онака е на Милан.
МАЈДА
Саша!
РИЧИ
(На Саша, од штос.) И јас мразам станоиздавачи. (Смеа.)
МАЈДА
(На Ричи.) Девојката чека да и ја покажеш собата 28
РИЧИ
(На Ксенија.) Ах, да, уморни нозе... Ајде да одиме. А куферчеот!? Што ќе
правиме без куферчето? Запукани се многу пари. Да ти ја покажам малата
соба за момент, а потоа конечно да се фрлам на храната. Цревата ми се
залепија за 'рбетот.
(Ксенија го зема својот куфер и оди во гостинската соба со Ричи.)
МАЈДА
(На Саша.) Навистина си одвратен со тие префрлувања дека станот е на
Милан.
Човекот нè прими бесплатно...
САША
Те прими.
МАЈДА
Колку пати треба да ти повторам? Останав сама! Те нема, Саша! Не можам да
живеам сама! Ајде да одиме веднаш одовде в хотел. Еве, утре ќе почнам да
барам стан... Ајде да си одиме одовде...
(Саша ја гледа, а потоа пие.)
МАЈДА
Ти ме навикна, Саша. Ме навикна да бидам зависна од другите...
(Влегува Ричи, поминувајќи во кујната.)

РИЧИ
Мајда, зошто и ти не се вратиш на заслужена попладневна пауза? Знаеш, во
твоите поучните женски списанија пишуваат дека спиењето е необично
важно за модерната деловна жена...
(Мајда ја соблекува влечката и ја фрла кон Ричи. Тој трча во кујната.)
МАЈДА
Сереш бескрајно, логореично чудовиште!
(Мајда станува и оди во својата соба. Влегува Ричи, носејќи чаша млеко.)
РИЧИ
Си замина хаубицата? Човеку, таа е полна со енергија! А овој мојов само
гледа каде е креветот.Пијалоци како смок. Не знам каде ѝ влегува... Ебате,
многу сум уморен, едвај зборувам. И не можам гладен да си легнам, тоа е
тоа. И ти не можеш да заспиеш, а? Да ти ебам адаптација и тоа... Треба да
најдеш некоја работа, да се организираш, да заборавиш на глупости... Прашај
го Милан, може да те вработи за миг. Гледаш како ја вдоми Мајда,
телевизија, маркетинг, добра плата,провизија, гала тезги. Веднаш си друга
личност... А сепак, да го пробаш сендвичот?

Превод од српски јазик: Сашо Огненовски