Светлана Калезиќ-Радоњиќ е родена во Подгорица во 1980 година, на денот кога била објавена првата печатена книга на словенскиот Југ. По образование е докторка на книжевни науки, по професија универзитетска професорка, а по повик поетеса која активно објавува од својата петнаесетта година. По страст е мајка, рок-музичарка, преведувачка и светска патничка. Како посебни изданија има објавено седум збирки поезија, од кои една на шпански јазик. Добитничка е на голем број домашни и меѓународни книжевни награди. Работи на Филолошкиот и Филозофскиот факултет во Никшиќ, а живее во Подгорица, заљубена во вчера, денес и утре.
ЛЕТУВАЊЕ Тоа лето жените од моето семејство ги спакуваа своите куфери и болките пригушени во мрзоволност заколнувајќи се дека никогаш нема да се врат...
