Д-р АЛЕКСАНДРА ДИМИТРОВА е родена 1977 година во Скопје. Завршила Македонска книжевност и Jужнословенски книжевности на Филолошкиот факултет „Блаже Конески“ Скопје, 2001 година. Магистрирала на катедрата за Македонска книжевност на Филолошкиот факултет со магистерската теза со наслов „Постмодернистичките стапици во драмите на Горан Стефановски“. Докторирала во 2017 година на истата катедра при Филолошкиот факултет Скопје, со тезата „Аспекти на комичното во драматургијата на Венко Андоновски“. Автор е на пет збирки позија: „Вежби за правилно дишење“ 2002 год., „Макавеј“, Скопје. „Јас-Ти“, 2004 год., самостоен проект. „Божица на подивените мачки“ 2008 год., „Блесок“ Скопје „Во аквариумот на Барби“, 2009 год., „Блесок“ Скопје Во 2019 година ја доби наградата „Антево перо“ за најдобра поетска збирка, за збирката песни „Дупка“, која е издадена под покровителство на фондацијата „Антево перо“. Во 2012 година „Блесок“ ја издаде нејзината магистерска теза „Постмодернистичките стапици во драмите на Горан Стефановски“. Нејзината поезија е преведена германски јазик, англиски јазик, словачки, турски и српски јазик. Александра Димитрова освен поезија пишува и проза, како и книжевна критика и активно предава Креативно пишување. Автор е на блоговите: www.bonbonce.blogspot.com; https://booksrecomendedbysash.blogspot.com; https://kreativnopisuvanje.blogspot.com.
САНДРА Семинарот за сметководители беше при крај. Последниот предавач брзо ги вртеше страниците и ги менуваше слајдовите, додека во ресторанот надвор тропаа чинии...
