Филип Вачков е роден на 22.9.1985 година во Скопје, Република Македонија. Своето основно, средно и високо образование го завршил во родниот град каде што се стекнува и со звањето магистер по историски науки. Во периодот 2014 - 2015 година пишувал за македонското списание „Република“, при што во списанието биле објавени негови пет самостојни статии од областа на историјата и три заеднички статии напишани во соработка со проф. д-р Димитар Вамваковски Љоровски. Во 2016 година бил учесник на научната трибина: „Илинден: слобода, државност и независност“ - Крушево. Во 2017 година учествувал како историчар - соработник за сценарио на аудиовизуелното дело – играна серија „Македонија“ во продукција на „Јадран филм“. Досега авторот има напишано две драми: „П(р)оглед“ (издадена 2022) и „Бисера“ (неиздадена).
