logo
  • Почетна
  • Автори
  • Архива
  • Скопје
  • Импресум
  • Елементи
    • Поезија
    • Проза
    • Драма
    • Есеи
    • Интервју
  • Блог

Двесетина поети, џез, поетски филмови на второто издание на Скопскиот поетски

26/08/2022 во Блог од Елементи

Второто издание на „Скопскиот поетски фестивал“ ќе се одржи од 29 август до
1 септември годинава, на две локации: во Младинскиот културен центар ‒ Скопје и
во кафе-книжарницата „Буква“. На поетските читања ќе учествуваат дваесетина
поети од земјава и од странство, ќе настапат и неколку музичари, ќе се одржи и
работилница за креативно пишување поезија за млади, ќе биде отворена и ликовна
изложба, а премиерно ќе бидат прикажани и неколку поетски филмови специјално
изработени за фестивалот.
Неофицијално, програмата ќе започне со „Отскочна даска“ ‒ настан за млади
поети и поетеси од 16 до 25-годишна возраст. Читањето ќе се одржи во понеделник,
на 29 август, со почеток во 20 часот во кафе-книжарницата „Буква“ во Скопје, на кое
ќе настапат десетина млади поети и поетеси, а потем самите учесници со гласање ќе
одберат кој од нив ќе чита и на отворањето на фестивалот во официјалната
програма.
Истиот ден ќе биде отворена и ликовната изложба на колажи за Скопје од
Валентина Бакти (Србија) ‒ „Сум страдал, ама убаво ми било“, што посетителите ќе
можат да ја видат во „Буква“ за времетраењето на фестивалот.
Официјалното отворање на фестивалот ќе се одржи во вторник, на 30 август,
со почеток во 20 часот во Младинскиот културен центар ‒ Скопје, со настанот „Во
друштво на мртвите поети: како битник ‒ џез и поезија“. Станува збор за тематско
поетско читање посветено на битничката генерација поети, на кое авторите во
придружба на џез-музичарите Шамба и Сол ќе читаат своја поезија на начинот на кој
тоа го правеле битниците. Ќе настапат: Андреј Ал-Асади, Јовица Ивановски, Делвина
Крлуку, Мариета Дукиќ, Д. А. Лори, Митко Апостолов, Васко Марковски, Радмила
Петровиќ од Србија, Сергеј Тимофеев од Латвија и избраниот млад поет/поетеса на
настанот „Отскочна даска“.
Во среда, на 31 август, со почеток во 19 часот во МКЦ‒ Скопје ќе се одржи и
„Интернационалната поетска вечер“, на која ќе настапат Влада Урошевиќ, Владимир
Мартиновски, Радмила Петровиќ од Србија и Сергеј Тимофеев од Латвија, а вечерта
ќе заврши со кус поетско-музички перформанс на Пијан Славеј.
Фестивалот ќе заврши во четврток, на 1 септември, во кафе-книжарницата
„Буква“, а програмата тој ден ќе започне во 18 часот со работилница за креативно

пишување поезија за млади на која ќе говорат дел од поетите што учествуваат на
читањата, на тема „Урбана поезија“.
Истата вечер, во 21 часот програмата ќе продолжи со настанот „Стиховно
мапирање на Скопје“ ‒ видеопроекција на 12 поетски филмови инспирирани од
песни за Скопје. Филмовите ги снимија Сандра Ѓоргиева, Марија Шаклева, Валентина
Бакти (Србија) и Диме Данов, врз основа на песни од поетите: Блаже Конески, Анте
Поповски, Радован Павловски, Владимир Мартиновски, Васко Марковски, Исток
Улчар, Биљана Стојановска, Ана Голејшка Џикова, Јулијана Величковска, Ивана
Јовановска, Ѓоко Здравески и Андреј Ал-Асади.
Дизајнот на официјалниот постер за второто издание на „Скопскиот поетски
фестивал“ е дело на Андреј Павлов.
Фестивалот е поддржан од Град Скопје, од Младинскиот културен центар ‒
Скопје, од кафе-книжарница „Буква“ и винарница „Стоби“. Медиумски покровител e
„Нова Македонија“, а „Култура бета“ е медиумски партнер.

Share this post
  • Previous Post
  • Next Post

About Author

Елементи

ЕЛЕМЕНТИ – Број 7

ПРЕВЗЕМИ Број 7

ПОДДРЖАНО ОД

Министерство за Култура

Град Скопје

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ЗА НАС

ИЗДАВА

ЗРУМ „ПЕРУН АРТИС“ – Битола

Главен уредник

САШО ОГНЕНОВСКИ

ISSN 2671 - 3950

КОНТАКТ

Цар Самоил 126а
7000 Битола

info@elementi.mk

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ПОДДРЖАН ОД

Министерство за Култура

Град Скопје

© Електронско списание за книжевност - ЕЛЕМЕНТИ