logo
  • Почетна
  • Автори
  • Архива
  • Скопје
  • Импресум
  • Елементи
    • Поезија
    • Проза
    • Драма
    • Есеи
    • Интервју
  • Блог

Исповед

23/10/2022 во Поезија од Ана Петровска

Исповед
Јас сум
заскитана прашинка
на осамена улица.
Се чудам
зошто душите
се закоравени
како засушена мов
на осамено сокаче.

Се спојувам
со агонијата
на несфатливото,
заробена сум
во магичното постоење.

Се прашувам
за гладта во душите.
Посегнувам по она
што заситува.

Погледот искривен
од матни сеќавања.
Мислам едно,
толкувам друго.

Ех, да можев
болката да ја исплачам!
Ех, да можев
мудроста да ја возвишам!

Душа скитничка
Душа скитничка
се лепи на туѓи улици,
чекори низ туѓи улици.
Чекори низ празни
и тешки ходници.
Душа скитничка…
Времето испарува,
мислите добиваат
божествен лик.

Во моментот
кога стануваш човек –
си го нашол Бога во себе.

Ѕид
Гледајќи во пукнатините на ѕидот,
ја набљудувам празнотијата во себе.
Ѕидот е ишаран со разни шари.
Времето ги одронило лушпите на ѕидот.
Овој ѕид е мрачен и тажен,
времето му оставило трага.
А мене времето ме казнува сега,
со тоа што ме потсетува
на минливоста.
Нека се сруши ѕидот,
и со него
нека се сруши
мојата претстава
за Времето!

Од поетската збирка „Јанѕа“ во издание на ПНВ Публикации, Скопје, 2022

Share this post
  • Previous Post
  • Next Post

About Author

Ана Петровска

Ана Петровска (1986, Скопје) дипломирала на Институтот за филозофија при Филозофскиот факултет во Скопје. Во 2015 ја одбранува магистерската теза: „Стадиумите на развој на личноста во философијата на Сорен Киркегор“. Автор е на стихозбирката „Јанѕа“ (2022, ПНВ Публикации). Во раната младост се занимавала со музика. Инспирацијата за нејзините стихови ја црпи од сивилото на секојдневието, од случајните средби, од спонтаните прошетки низ нејзиниот роден град.

ЕЛЕМЕНТИ – Број 7

ПРЕВЗЕМИ Број 7

ПОДДРЖАНО ОД

Министерство за Култура

Град Скопје

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ЗА НАС

ИЗДАВА

ЗРУМ „ПЕРУН АРТИС“ – Битола

Главен уредник

САШО ОГНЕНОВСКИ

ISSN 2671 - 3950

КОНТАКТ

Цар Самоил 126а
7000 Битола

info@elementi.mk

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ПОДДРЖАН ОД

Министерство за Култура

Град Скопје

© Електронско списание за книжевност - ЕЛЕМЕНТИ