logo
  • Почетна
  • Автори
  • Архива
  • Скопје
  • Импресум
  • Елементи
    • Поезија
    • Проза
    • Драма
    • Есеи
    • Интервју
  • Блог

НЕЗАКОНСКИ ТОВАР

30/06/2021 во Проза од Ѓорѓи Крстевски

Едно студено и дождливо ноемвриско утро двајца случајни минувачи – маж и жена на средовечна возраст, без деца (не затоа што не можеа, туку зашто не сакаа да имаат) – шетајќи по брегот на Охридското езеро, наидоа на насукан кит. Китот беше огромен, долг можеби петнаесетина метри. Се чинеше дека е мртов, иако беше подуен, односно утробата му се дуеше и се сплескуваше како да диши. Изненадените сопружници, чија вообичаена утринска прошетка се претвори во возбудлива авантура, побрзаа да пријават кај надлежните. Но веднаш пред нив се појави проблем: кој е, всушност, надлежен за ова? Во Охридското езеро никогаш немало китови, тие се морски и океански суштества. Се јавија во полиција, но овие си помислија дека некој се заебава со нив и им спуштија слушалка. Додека мажот и жената стоеја на брегот во близина на градот, мислејќи се што да прават, посведочија на нешто неверојатно: утробата на китот се поду – а потоа и пукна. По експлозијата, од внатрешноста на китот истрчаа парталави и изнемоштени луѓе кои првин беа збунети и со неверица разгледуваа околу себе, а кога конечно се созедоа, почнаа да викаат, да се радуваат, да плачат, да се наведнуваат и да ја бакнуваат земјата. Некои од нив почнаа да се молат, односно да се клањаат, само што, наместо кон исток, беа свртени кон запад.

Share this post
  • Previous Post
  • Next Post

About Author

Ѓорѓи Крстевски

ЃОРЃИ КРСТЕВСКИ (1981), прозаист. Дипломирал руски јазик и книжевност на филолошкиот факултет во Скопје. Автор е на книгите Обични и необични приказни и Другата страна, а коавтор на книгата Не сакам да ви кажам ништо. Преведува од руски, англиски и хрватски јазик. Со книгата Другата страна влегува во потесен круг за Наградата на Европската унија за литература.

ЕЛЕМЕНТИ – Број 7

ПРЕВЗЕМИ Број 7

ПОДДРЖАНО ОД

Министерство за Култура

Град Скопје

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ЗА НАС

ИЗДАВА

ЗРУМ „ПЕРУН АРТИС“ – Битола

Главен уредник

САШО ОГНЕНОВСКИ

ISSN 2671 - 3950

КОНТАКТ

Цар Самоил 126а
7000 Битола

info@elementi.mk

ЕЛЕМЕНТИ

  • Блог
  • Драма
  • Есеи
  • Интервју
  • Поезија
  • Проза
  • Скопје

ПОДДРЖАН ОД

Министерство за Култура

Град Скопје

© Електронско списание за книжевност - ЕЛЕМЕНТИ